Overblog Suivre ce blog
Editer l'article Administration Créer mon blog
J.k.Sromancier.overblog.com

Un espace pour m'évader à travers mes textes et mes poemes!!!

Fè atansyon

Publié le 30 Novembre 2013 par Jeusch Kyky Salomon

Jenn fi jenn gason,fè atansyon
Konnen byen nou se lespwa yon nasyon
Bondye ban nou yon ti komisyon
Pa lage l souple nan likidasyon
Paske sida pa bay presyon
Ni li pa fè eksepsyon
Nan yon sèl ti okazyon
Nou ka pran yon enfeksyon
lè na l fè yon konsiltasyon
Rezilta a ka fè nou fè emosyon
Epi nou te gen tout enfòmasyon
Nan tout radyo,televizyon se emisyon
Yo fè anpil fòmasyon
Sou kouman nou ka pran prekosyon
Pou nou pa tonbe nan won
Men domaj nou manke konviksyon
Men banm yon ti pèmisyon
Poum bay kèk prevansyon
Fidelite nan tout vire won
Kapòt pou tout prekosyon
Sèl abtinans kòm kondisyon
Se li ki pi bon prekosyon
Paske l bay pi bon pwoteksyon
Se li ki konviksyon m ak solisyon m
E lap mete m nan bon tansyon
Mezanmi atansyon pa kapon
Sida pa yon ti lafyèv frison
Li pa pè ni saridon ni valodon
Maladi sa a se yon gwo pongongon
Li ka detwi tout yon popilasyon
Si nou pa pran yon desizyon
Menm lè yo di nou pa gen afeksyon
Di,cheri ou gen rezon
Menm lè nap viv tankou de pijon
Nou poko gen yon pwofesyon
Yon sèl jan poun jwenn yon solisyon
Nou pap lage de gidon
nap antre nan batay la pifon
pi devan pou n pa mande padon
jiskaske nou jwenn yon solisyon
mezanmi,envite miyò pase mande padon
fok nou fè atansyon.

Luve P L

Commenter cet article