Overblog Suivre ce blog
Editer l'article Administration Créer mon blog
J.k.Sromancier.overblog.com

Un espace pour m'évader à travers mes textes et mes poemes!!!

Kote’w ye

Publié le 13 Août 2015 par Jeusch Kyky Salomon

kotew ye
kotew ye

Kote’w ye lanmou
Ou se priyè’m chak jou
Yo diw konn fè moun fou
Mta renmenw fèm fou-damou

Fou damou ! mezanmi bagay sa pa dou !
Gen moun ki diw dous kou rapadou
Men pafwa tou !
Yo konn di ; se lanmou ki pou ta lanmou

Ou fè soufri, ou konn kite move gou
Konsa tou gen lòt ki di yap renmen jisko bou
Konbyen fwa yo tonbe nan labou
Kiyès ki sove yo? yon ti marabou!

Kote’m pase mtande pale de ou
Menm lè jodia yo diw pa bay bongou
Yo di wap mache pike kè tankou lougawou
Ou chanje men, tankou pikwa ak wou

Ou sot nan syèl ou pa janm dòmi tankou ibou
Lè’w la tanpèt paka kasew, w pi djanm ke yon akajou
Lonbraj ou pi gwo pase yon pye mapou
M’vlew ret lakay mwen poum sispann fè joujou

Mwen vle’w klere chimen’m lè’m sou
Fè’m jwenn gou lavi lè lot yo ap relem koukou
Rete tou prè’m lè lavia ap banm move kou
Si’w avè’m menm lè kwa’m gwo men li pap lou

Lè imaj lavni’m parèt flou
Pretem loup ou ti chouchou
Menm si dlo nan jem glise pase kalalou
Map rive wè delivrans menm lèl ta jiskobou

Lè chimen lespwa chaje tou
Avèw nan djakout mwen m’prale toupatou
Sèlman dim kotew ye menm lèw ta lwen nan dètou
limyè’w ap banm fòs pou’m travèse tout kalfou

tanzantan m’chanje kawotyou
paske sou chimenw gen tròp souf nan tyou
lèw damou ; yo baw tout non pote,yo fè bri plis ke tanbou
lè se yo, tèt yo cho ; yap mache pale nan tout lakou

nan vim mpa bezwen lòt bijou
mpa bezwen lanmou ki vin fè fkd pou al kache nan fon banbou
mwen mèt mache sou jenou
poum jwenn sous ou k’ap koule pou toujou ,chak jou’l fèjou !

JKSalomon !!!

Commenter cet article