Overblog Suivre ce blog
Editer l'article Administration Créer mon blog
J.k.Sromancier.overblog.com

Un espace pour m'évader à travers mes textes et mes poemes!!!

Ayiti pam nan diferan

Publié le 8 Décembre 2016 par Jeusch Kyky Salomon in poésie

ayitipamnandiferanAyiti pam nan diferan
Lèm gadew, mwen ak ou nan menm ran
Pakitem pase epi pouw dim frekan
Poukisaw pa Kenbe menm poun avanse douvan

Ayiti pam nan diferan
Poukisa mwen ak ou pa sispann griyendan
Jodia nou chita nan ranse
Pandan lòt peyi yo ap avanse

Ayiti pam nan diferan
Paske tikatkat mpat pè mache lannwit
Kounyea gen yon bann zonbi mannmannan 
Kifè lannwit kou lajounen nou ka wè mèt minwit

Ayiti pam nan kisal ye jodi
Tandiske yè li te yon paradi
Tout kote se te bwè kokoye manje lanbi
Jodia ankenn kote lanati pa pote fwi

Ayiti pam nan dwe diferan 
Paske nan tèt mwen tout ayisyen vanyan
Nou pat konn bwote dlo nan panyen
Poun plen kanari blan, jodia nou tout reziyen

Kisa ki fè ayiti pam nan paka diferan ?
Mande tèt ou kisa nou te ye avan
Lesklavaj aboli men sanble se sou papye
Poukisa nou toujou kite nèg yo ap foule’n anba pye ?

Si nan tèt ou w vle prezidan
Kisaw pral fè pou Ayiti paw la diferan ?
Ou menm ak lòt yo gen menm diskou depi dikdantan
Anyen pa janm fèt tout sa nou di pase kou van

Ayiti pam nan dwe diferan 
Kiyes nan nou ki gen yon bon plan ?
Mwen mache epi’m chita m’tande 
Lè kout fizi tire anlè sepa lapli li fè tonbe

Mwen kwè Ayiti ka diferan
Deja li te pi bèl nan antiy yo lontan
Li lè poun koumanse netwaye mantalite nou
Anvan li tounen yon dezè kap donnen klou

Chay la lou paskew pa mete men
Nan zafè chak koukouy klere pou jel saa nou pap rive lwen
Si nou neglije youn lòt, ak kisa nap konstwi demen ?
Pou Ayiti pa nou an diferan, fòk nou kiltive renmen.

JKSalomon

Commenter cet article