mwen aprann pale an kreyòl
gen moun ki di lang sa dwòl
Paske li gen twòp parabòl
Yo pa janm fin n konprann tout pawòl
Lè map koze ak fanm
Fransè mare pye m
Mwen ranmase fyètem
Mwen pale nan lang manmanm
Nou paka dil pa bèl
Se avèl zansèt yo te bati sitadèl
Lè n wè yon fanm ki gen bèl fòm
Nou pa pale lòt pawòl « wouch fanm sa anfòm »
Nou imilyel nou di li pa sosyab
Poutan tout etranje vle konn palel podyab
Nou bliye sil nan kilti nou
Epi nou tout vle pwoteje patri nou
Nou tout pa pale fransè
Men chak grenn ayisyen pale kreyòl
li enpòtan pou n konn pale anglè ak panyòl
pabliye kilti n se sèl mwayen pou n mache tèt anlè
J.K.S